پی ٹی آئی نا سینیٹر فیصل واوڈا مچ زند اکن نابود گوندنگا
اسلام آباد :کپتان نا اسہ پین وکٹ تما۔ الیکشن کمیشن آف پاکستان اِراملکی شاری کیس اٹ پی ٹی آئی نا سینیٹر ومسکوہی وزیر آبی وسیلہ فیصل واوڈا ءِ نابود گوندا۔ فیصل واوڈا 2018 نا لس گچین کاری تے ٹی کراچی آن قومی اسمبلی نا نشست آگچین کاری تے ٹی بشخ ہلسا تینا اِرا ملکی شاری مننگ ءِ ڈکاسس۔ الیکشن کمیشن فیصل واوڈا ءِ پارت کرے کہ ایم این اے نا وڑ دوئی کروک تنخواہ و آسراتی تے ہم پدی ایتے۔ الیکشن کمیشن فیصل واوڈا نا سینیٹر گچین مننگ نا نوٹیفکیشن ءِ ہم پدی ہلک۔ فیصلہ ٹی الیکشن کمیشن ناکنڈآن پاننگا کہ فیصل واوڈا ددروغ ناسوغندی بیان جمع کرفیسس‘ قومی اسمبلی و سینیٹ گچین کاری تے ٹی تروک آوونٹ ءِ ہم غلط کاسٹ کننگا۔ فیصل واوڈا فیصلہ ءِ سپریم کورٹ اٹ چیلنج کننگ کیک‘ یات سلے کہ ای سی پی فیصل واوڈا نا برخلاف اِراملکی شاری مننگ آ نابودی نا درخواست نافیصلہ ءِ 23 دسمبر 2021 آ ڈک کننگاسس۔
(آن لائن)