پاکستان اٹی کورونا کیس آتا کچ اٹ اناگت ودکی، 50 بندغ زوال
اسلام آباد : مچ آ ملک اٹ کورونا وائرس آن 24 گھنٹہ ٹی پین 50 بندغ زوال مسر۔ نیشنل کمانڈ اینڈ آپریشن سینٹر ناکنڈآن جاری کروک بیان نارد اٹ تدوک آ 24 گھنٹہ ٹی ملک اٹ کورونا نا تشخیص کن 51 ہزار749 ٹیسٹ کننگا ہرافتیان 4253 بندغ اٹ کورونا وائرس پک مس‘ تدوک آ دے دا وائرس آن پین 50 بندغ زوال مسر وخت اس کہ مثبت کیس تا کچ 8.2 درسَد ریکارڈ مسنے‘ داکان بیدس 1731 ناجوڑ نا حالیت خراب ءِ۔