وام تا آسراتی کن ایس ایم ای پورٹل نومبر نا اخیر اسکان فعال مریک،وزیراعظم محمد شہباز شریف

اسلام آباد، وزیراعظم محمد شہباز شریف پارینے کہ چنکا و نیامی کہول انا کاروباری ادارہ غاتے وام تا فراوانی ٹی آسراتی کن ایس ایم ای پورٹل نومبر نا اخیر اسکان فعال کننگے، نیشنل بینک آف پاکستان نا ہاؤسنگ فنانس نا بشخ اٹی وام تا منظوری نا کچ 76 درسد مننگ ستا کڑزک و پوسکن تعینات مروک آ صدر ءِ پارت کرینے کہ نیشنل بینک نا کارکڑدءِ ودفنگ کن جوان انگا پروفیشنل آتا خذمت آتے دوئی کننگے و درکار بھرم تفروک کارندہ غاتا برخلاف بے خلیس آن محکمانہ کارروائی کننگے۔ وزیراعظم محمد شہباز شریف نا کماشی ٹی ہاؤسنگ، چنکا و نیامی کہول انا کاروبار و کشاری بشخ ءِ وام تا فراوانی نا رد اٹ بڑزکو کہولی جاچ دیوان اس اڈہلک‘ دیوان آن تران کرسا وزیراعظم شہباز شریف پارے کہ ہاؤسنگ، کشت وکشار و ایس ایم ای بشخ آتے مالی وسیلہ غاتا فراوانی ٹی مون تروک اڑاند آتے اینک کرسا وام تا نظام ءِ پین گچین جوڑ کننگے، چنکا و نیامی کہول انا کاروباری ادارہ غاتے وام تا فراوانی ٹی آسراتی کن ایس ایم ای پورٹل نومبر نا اخیر اسکان فعال کننگے، ایس ایم ای پورٹل نا کمک اٹ بینک آتا کنڈ آن وام تا فراوانی و لیٹرز آف کریڈٹ (ایل سیز) تون اوار کاروباری آسراتی تا داسہ نا حالیت نا دراست چاروکی مننگ کیک۔ وزیراعظم پارے کہ ایس ایم ایز نا کاریمی واکداری کچ ءِ ودفنگ، پوسکنوڑ ٹیکنالوجی نا شون تننگ‘ پیداواری لائخی ٹی ودکی و جہانی ویلیو چین اتون گنڈنگ کن سمیڈا بھرمی گام گیج کیر، دیوان اٹی وام تا رد اٹ نیشنل بینک آف پاکستان و فرسٹ ویمن بینک انا کارکڑد نا جاچ ءِ ہلنگا۔ وزیراعظم پارے کہ نیشنل بینک آف پاکستان نا ہاؤسنگ فنانس نا بشخ اٹی وام تا منظوری نا کچ 76 درسد مننگ ستا کڑزک و پوسکن تعینات مروک صدر ءِ پارت کرے کہ نیشنل بینک انا کارکڑدءِ ودفنگ کن پروفیشنل آتا خذمت آتے دوئی کننگے و درکار بھرم تفروک کارندہ غاتا برخلاف بے خلیس آن محکمانہ کارروائی کننگے۔