پاک چین سفارتی تعلقداری نا 75 می سال،پیکنگ یونیورسٹی ٹی جہانی علمی سمپوزیم،100 سکالرز، تھنک ٹینک بشخ ہلکر

بیجنگ، چین و پاکستان نا نیام اٹ سفارتی تعلقداری نا جوڑ مننگ نا 75 می سال دے انا وخت آ جہانی علمی سمپوزیم پیکنگ یونیورسٹی ٹی مس، ہراٹی ہڑتوم آ ملک آتا کم و ود 100 سکالرز، تھنک ٹینک نا پولکار، سفارتکار و کاروباری نمائندہ غاک بشخ ہلکر۔ چین اٹ پاکستان نا سفیر خلیل ہاشمی 4 آن 7 ستمبر 2026 اسکان پیکنگ یونیورسٹی ٹی اڈ ہلوک چین پاکستان سفارتی تعلقداری نا جوڑ مننگ نا75 می سال دے انا بابت جہانی علمی سمپوزیم آن تران کرسا چین و پاکستان نا نیام اٹ ترندی اٹ ودوک آ کاروباری رابطہ غاتا جاچ ءِ ہلسا پارے کہ تدوک آ اِراسال اٹی چین و پاکستان نا کاروباری ادارہ غاتا نیام اٹ 22 ارب ڈالر آن زیات مالیت نا معاہدہ غاتا دستخط مس۔ دا معاہدہ غاتیان کم و ود 30 درسد، یعنی کم وود 7 ارب ڈالر، کاروباری ادارہ غاتا گدریفنگ نا بابت کوشست آتتون گنڈوک ئسر، ٹیکنالوجی ہم ہڑتوم آ کنڈآتا کمکاری ٹی ترندی اٹ اہم کڑد ادا کننگ ءِ۔ خلیل ہاشمی پارے کہ تدوک آ اِراسال اٹی پاکستان اسٹڈیز نا چار پوسکن ءُ ہندشین ژین، شان ڈونگ، ہانگ ژو و شین یانگ اٹی جوڑ کننگانے۔ دا ہندآتا چکار روایتی پاکستان اسٹڈیز پروگرام آتیان جتاءِ و کیمیکل ٹیکنالوجی و اے آئی تون اوار ٹیکنالوجی نا بابت بشخ آتیا زیات چکار کننگ انگ ءِ۔ چین نا قومی شونداری و اصلاحات کمیشن نا جہانی کمک نا ہند انا ایسوسی ایٹ ریسرچ فیلو ماؤ کِجی پارے کہ سبز منتقلی داسہ بیرہ کاربن اخراج اٹی کمتی نا وڑاس اس اف بلکن دا رکھ انا اسہ میرات اس جوڑ مسنے۔ سویلی و دیکی دے ٹکی ایشیا نا 12 زرگزران آتا 2025 و 2026 نا تُوئی حساب وکتاب آتا آزموندہ ئی جاچ آن معلوم مس کہ ملک اسے نا درآمدی تیل و قدرتی گیس آ سیبو ٹی ہر 10 درسد ودکی نا سوب آن تنکی اسے آن پد پد گرین انرجی نا درآمد اٹی کم و ود3.6 درسد وخت اس کہ برقی گاڈی تا درآمد اٹی کم و ود 7.9 درسد ودکی مس۔ مئی 2026 نا اخیراسکان پاکستان نا سولر پینل آتا جم درآمد 55,700 میگاواٹ، یعنی 55.7 گیگاواٹ آن زیات مسوسس، ہرا تدوک آ سال آتا، خاص وڑ اٹ 2023 و 2024 نا وخت اٹ سولر پینل آتا درآمد اٹی بروک گمان آن چَپ ترندی نا درشانی ءِ کیک۔