فاطمہ جناح ہسپتال اٹی کوروناوائرس نا ٹیسٹنگ آتا کاریم نا کچ اٹی ودکی کننگانے ،دوستین جمالدینی

کوئٹہ : سیکرٹری جان جوڑی بلوچستان دوستین خان جمالدینی پارے کہ ساڑی حالیت آتے ٹی ڈاکٹرز و پیرامیڈیکس تون محکمہ جان جوڑی نا انتظامی آفیسر آتیا بھلو زمواری اس مریک کہ او معاملہ غاتا گچینی کن انتظامی فیصلہ سازی نا عمل ءِ السی گرج آتا رداٹ شاغر و دوئی وسیلہ غاتے دا جامع حکمت عملی اٹ کاریم اٹ اتیر ہراڑان زیات آن زیات مخلوق فائدہ ہرفنگ کیر۔ اوپارے کہ فاطمہ جناح ہسپتال اٹی کوروناوائرس نا ٹیسٹنگ آتا کاریم نا کچ اٹی ودکی کننگانے واسہ پوسکن ءُ مشین اسے نا خلنگ آن پد ٹیسٹنگ نا عمل 500 آن ودسا ہڑدے ئی بنداو آ 1000 آن زیات مسنے دا مشین اٹ کوروناوائرس نا مریض نا فزیکل حالیت نا محتاط جاچ ءِ دہ منٹ اٹ ہلنگ مریک، داکان بیدس کوویڈ پازیٹیو پیشنٹ کن پوسکن ءُ 20 کٹ آئی سی یو، 30 کٹ اسپیشل کیئر یونٹ و 40 کٹ آئی سی یو یونٹ نا فعالیت آ ترندی اٹ کاریم برجاءِ۔ داخیال آتا درشانی ءِ او کوئٹہ نا چندی ہسپتال آتا میڈیکل سپرنٹنڈنٹس آتا دیوان آن تران نا وخت آ کرے۔

(اے پی پی)