منظور بلوچ نا مچ آ زند اسہ نظریہ سے تون گنڈوک گدرینگا، احمد نواز بلوچ
Get real time updates directly on you device, subscribe now.
کوئٹہ : بلوچستان نیشنل پارٹی ضلع کوئٹہ نا صدر و باسک بلوچستان اسمبلی میر احمد نواز بلوچ پارینے کہ شہید منظور بلوچ بی این پی نا ہمو سرمایہ افتخار ئس ہراتینا مچ آ زند ءِ نظریاتی سیاسی قدر انا مون آ دننگ کن وقف کرے و قیدوبند انا سختی تے برداشت کرسا تینا جماعت نا سرپرست اعلیٰ سردار عطاءاللہ مینگل نا قومی جہد ءِ مون آ دننگ کن بی ایس او آن ہلیس بی این پی اسکان مثبت فکری و شعوری سوچ انا علمبردار ئس، شہید انا جتائی آن مستونگ تون اوار مچ آصوبہ اسہ دوستخوا سے آن محروم مس سینئر باسک و متکن آ نظریاتی سنگت چیئرمین منظور بلوچ نا اناگت آ کزیت ہر دڑد تخوک و عقل و سیاسی شعور تخوک بندغ کن بھلو ڈکھیائی اسے۔ شہید منظور بلوچ بی ایس او آن ہلیس بی این پی اسکان بلوچستان نا نظریاتی سیاسی اساس و الس اٹ حقی سیاسی شعور انا بیداری کن مخلصانہ جہد کرے۔
(اے پی پی)
www.talarpub.com