بنجائی ریلوائی وزیر شیخ رشید و مسکوہی وزیر اعظم شاہد خاقان عباسی ءِ کورونا ہلک

اسلام آباد: بنجائی ریلوائی وزیر شیخ رشید و مسکوہی وزیر اعظم شاہد خاقان عباسی ئِ کورونا ہلک۔ سرجم حوال آتا رد اٹ بنجائی وزیر ریلوے شیخ رشید احمد نا کوروناوائرس ٹیسٹ مثبت بس، ڈاکٹر آتا پارت آ اِراہفتہ کن سیلف کورنٹائن ٹی ہنا۔ دوشنبے نادے آ بنجائی وزیر ریلوے شیخ رشید احمد کوروناوائرس نا ٹیسٹ ئِ کرفے، ہرا مثبت بس۔ اودے پاش وڑ اٹ کورونا نا ہچ ءُ علامت اس اف ولے شیخ رشید احمد آئسولیشن اٹ ہنانے۔ او ڈاکٹرآتا پارت آتا رداٹ اِراہفتہ کن سیلف کورنٹائن ٹی مریک۔ داکان بیدس مسکوہی وزیراعظم و مسلم لیگ (ن) نا نائب صدر شاہد خاقان عباسی نا کوروناوائرس نا ٹیسٹ مثبت بسنے۔ مسلم لیگ (ن) نا ترجمان مریم اورنگزیب داحوال آتے پک کرینے۔ خاہوت نا حوالی تا پاننگ ئِ کہ شاہد خاقان عباسی نا کوروناوائرس نا ٹیسٹ مثبت بننگ آ تینا اُراٹی کورنٹائن مسنے۔

(اے پی پی)