الس ءِ جانجوڑی تون اوار کل آسراتی تے فراوان کینہ‘نورمحمد دمڑ
Get real time updates directly on you device, subscribe now.
کوئٹہ: سینئر صوبائی وزیر ڈٹ بندی و شونداری و بلوچستان عوامی پارٹی بلوچستان نا جنرل سیکرٹری حاجی نور محمد دمڑ نا پاننگ ئس کہ حکومت اُلس ءِ زند انا بنداوی آسراتی تا فراوانی تون اوار اوار جانجوڑی نا آسراتی کن کل دوئی آ وسیلہ غاتیان کاریم ہلسا مچ آ بلوچستان اٹ پوسکن آ ہسپتال آتا جوڑی ءِ پک کرسا اوفتیٹی وسیلہ افرادی قوت ڈاکٹر ٗ نرسز ٗ پیرا میڈیکل اسٹاف ٗ لیڈی ڈاکٹر و ایلو کمامدار آتا تعیناتی تون اوار اوار دارو تا فروانی کن گام گیج ہرفنگ انگ ءِ۔ دا خیال آتا درشانی ءِ او میڈیا تون ہیت وگپ کرسا کرے او پارینے کہ بلوچستان ءِ اللہ تعالیٰ قدرتی وسیلہ و معدنیات آن پر کرینے۔ گرج دا کاریم نا ءِ کہ دا وسیلہ غاتے کاریم اٹ اتسا اُلس نا حالت زار ءِ جوان کننگ کن بلوچستان نا پد تمننگ و اُلس اٹ ودی مروک آ احساس محرومی تے مر کننگ کن کل وسیلہ غاتیان جوان وڑاٹ اُلس نا فلاح و بہبود آ خرچ کننگے۔ ساڑی حکومت تینا وسیلہ غاتیٹی رہنگسا تینا بندغ آتے جوان کننگ کن جوان حکمت عملی نا رداٹ ڈٹ بندی کرسا گام گیج کرینے و بنا کروک آ ڈٹ گڈ سراٹ سر مسنے۔
(آن لائن)