وزیر اعظم اینو کوئٹہ غا بریک، پگہ فیصل آباد آ کاہک
Get real time updates directly on you device, subscribe now.
اسلام آباد : وزیراعظم نا اختہ مننگ و کوئٹہ نادورہ ناسوب آن اینو سَے شنبے نا دے مروک کابینہ نا دیوان ءِ پد بٹنگانے‘ بنجائی کابینہ نا جاری کروک ایجنڈا ءِ پدی ہلنگا‘ حوالی نا رد اٹ وزیراعظم عمران خان اینو سے شنبے نادے کوئٹہ غا کاہک ہراڑے وزیراعلی و گورنر بلوچستان تون اوڑدہی کیک‘ وزیراعظم کوئٹہ ٹی اہم ءُ دیوان اسے نا کماشی ءِ کیک‘ ہراٹی وزیراعظم ءِ امن وایمنی نا بابت بریفنگ تننگک‘ وزیراعظم ءِ سی پیک تون اوار ایلو شونداری ڈٹ آتا بابت بریفنگ تننگک‘ بنجائی وزیرک‘ اسمبلی نا باسک و خصوصی کمکار آک وزیراعظم تون تُد مریرہ۔ حوالی نا رد اٹ وزیراعظم پگہ چارشنبے نا دے اسہ دے انا دورہ غا فیصل آباد آ ہم کاہک ہراڑے جانجوڑی کارڈ جاری کننگ و اڈ تروک دود آن تران کیک۔ وزیراعظم فیصل آباد آن اسمبلی نا باسک و پارٹی راہشون تتون اوڑدہی ہم کیک۔