مذاکرات نا بے سہبی نا زموار خیبرپختونخوا حکومت ءِ، طلال چوہدری

اسلام آباد، وزیر مملکت داخلہ طلال چوہدری اپوزیشن نا کنڈ آن مذاکرات نا بے سہبی نا باریم ءِ حکومت آ شاغنگ ءِ مسترد کرسا پارینے کہ مذاکرات گڈیکو ریسہ ٹی خیبرپختونخوا نا وزیراعلیٰ نا پوسکن آ شڑت آتا سوب آن بے سہب مس۔ اولیکو ریسہ ٹی دہشت گردی نا باندات آ امنائی مسوسس و مذاکرات نا کمک اٹ ملک اٹی دہشت گردی نا برخلاف اسہ امنائی قومی بیانیہ اس جوڑ کننگاکہ‘ میڈیا تون ہیت وگپ کرسا او پارے کہ اپوزیشن ءِ سما مننگ آن پد ہم مذاکرات نا بے سہبی نا زمواری ءِ حکومت آ بیٹ کننگ اٹی ءِ، داڑان چَپ کہ مذاکرات نا نیام اٹی خیبرپختونخوا حکومت نا کنڈ آن نیشنل ایکشن پلان نا رد اٹ بے چکاری نا باندات ہم مون آ بس۔ وزیرِ مملکت نا رِد اٹ اپوزیشن سرکڑدہ غاک خیبرپختونخوا وزیراعلیٰ تون اوڑدہی کرسا دوارہ باوری دوئی کریر، وخت اس کہ او اپوزیشن آن خواست کریسس کہ مذاکرات اٹی خیبرپختونخوا نا وزیراعلیٰ ءِ ہم اوار کننگے۔