پاکستان و آئی ایم ایف مذاکرات اٹی کیہی بشخ آتیا گپ و تران
Get real time updates directly on you device, subscribe now.
اسلام آباد، پاکستان و آئی ایم ایف نا نیام اٹی برجا مذاکرات اٹی شوگر سیکٹر نا ڈی ریگولیشن، فیول سبسڈی، توانائی بشخ انا پیری کروک وام‘ گیس ٹیرف و ڈسکوز نا پرائیویٹائزیشن تون اوار اہم زرگزرانی باندات آتیا گپ وتران کننگا۔ حوالی نارد اٹ پاکستانی کمامدار آک آئی ایم ایف مشن تون مذاکرات نا بروک آ ریسہ کن میمورنڈم آف اکنامک اینڈ فنانشل پالیسی نا تیاری آ کاریم نا بناءِ کرینو۔ حوالی نا رد اٹ وزارت پٹرولیم و پاور ڈویژن نا کمامدار آتا آئی ایم ایف مشن تون مذاکرات برجاءِ وخت اس کہ آئی ایم ایف مشن نا وزارت خزانہ نا کمامدار آتتون دوارہ اوڑدہی نا گمان ارے‘ حوالی نارد اٹ آئی ایم ایف صوبہ غاتا امنائی اٹ شوگر سیکٹر ءِ ڈی ریگولیٹ کننگ نا خواست کننگ اٹی ءِ، ولے سندھ حکومت بنجا نا کنڈ آن شوگر پالیسی تون تعلقدار گام گیج آتے صوبائی خودمختاری ٹی نیام تمنگ گوندانے۔