روس ایران ءِ ارب ڈالر نا وام تننگ نا تیاری تے پک کرے
Get real time updates directly on you device, subscribe now.
تہران، ایرانی میڈیا رپورٹ کرینے کہ روس ایران ءِ 1 ارب ڈالر نا وام تننگ نا تیاری تے گڈیکو دروشم تسنے۔ ایران نا نیم سرکاری فارس نیوز ایجنسی پارینے کہ زر تننگ نا عمل ءِ گڈیکو دروشم تننگانے، تہران نا کنڈ آن بینک اکاؤنٹ نا جم فراوان کننگ آن پد دا زر گدریفنگ کن تیار ءِ‘ ولے ایرانی حکومتی ادارہ غاتا نیام اٹی دا ہیت آ اختلاف ارے کہ زر ءِ ہرا وڑ خرچ کننگے۔ فارس نا رِد اٹ وام تا اولیکو وار جون اٹی حوال تننگاسس و اودے ایران کن 20 ارب ڈالر نا روسی وام انا اولیکو قسط انا وڑ اٹ بیان کننگاسس۔ ایران نا پلاننگ اینڈ بجٹ آرگنائزیشن گاڈی تا در آمد کن کاریم اٹ اتنگوک فنڈ خواہک وخت اس کہ وزارت پٹرولیم تیل انا انڈسٹری نا ازباب آتا ہلنگ کن کوشست اٹی ءِ و وزارت کشت وکشار المی گڑاتا در آمد کن جتا زرخواہک۔