رابطہ نا اولیکو شڑت بانی پی ٹی آئی تون اوڑدہی ءِ، محمود اچکزئی

اسلام آباد، محمود خان اچکزئی اپوزیشن راہشون تے حکومت نا کنڈ آن مذاکرات کن رابطہ نا حالیت اٹی مثبت ورندی تننگ نا پارت کرینے‘ حوالی نارد اٹ محمود خان اچکزئی اپوزیشن راہشون تیا کلہو راہی کرینے ہراٹی پاننگانے کہ اگہ حکومت مذاکرات کن رابطہ کرے تو مثبت ورندی تننگے، ولے حکومت نا رابطہ غا اولیکو شڑت بانی پی ٹی آئی تون اوڑدہی ءِ‘ محمود خان اچکزئی پارے کہ ایڑھ تے یلہ کننگ آن حکومت مثبت پیشرفت نا بناءِ کننگ کیک، اگہ بانی پی ٹی آئی تون اوڑدہی مفک تو وزیراعظم تون اوڑدہی نا ہچ فائدہ اف‘ حوالی نارد اٹ محمود خان اچکزئی پارے کہ اگہ بانی تون اوڑدہی متو تو وزیراعظم تون اوڑدہی آن نمن مننگ آ سجفنگ مریک۔