کوئٹہ و خضدار اٹ فوڈ ٹیسٹنگ کن موبائل لیب اڈ تننگ نا منظوری
Get real time updates directly on you device, subscribe now.
کوئٹہ (خ ن) وزیراعلیٰ بلوچستان جام کمال خان نا کماشی ٹی اڈ ہلوک صوبائی کابینہ نا دیوان اٹ اُلس ءِ آب اٹ ءُ کُن خور تننگ و جانجوڑی نا اصول آتا رداٹ فوڈ ٹیسٹنگ نا وڑ و ڈول ءِ جوان کننگ و اُلس ءِ غذائیت آن پُر ءُ کُن خور تننگ نا بابت اٹ بلوچستان فوڈاتھارٹی ءِ کوئٹہ و خضدار اٹ فوڈ ٹیسٹنگ کن موبائل لیب نا جوڑ کننگ نا منظوری تننگا، کابینہ بلوچستان اٹ نیاڑی تے نیمہ حق تننگ، صوبائی کہول آ نیاڑی تا کڑد ءِ پاش کننگ، اوفتے سیاسی نمائندگی تننگ و اسہ وڑ وارخواہی تننگ کن بلوچستان صنفی مساوات و وویمن امپاورمنٹ پالیسی 2020-24ء نا منظوری ءِ ہم تس، یات سلے کہ ہندا پالیسی وویمن امپاورمنٹ پالیسی 2013ء اٹ پُوسکن ءُ ترمیم تون ترتیب تننگانے ہرانا مسخت صوبہ ٹی صنفی مساوات ءِ مون آ اتنگ نا ءِ تانکہ سیاسی، راجی، گوازی و قومی کہول آ صوبہ نا ں یاری تا جوان کڑد ءِ پاش کننگے۔ صوبائی کابینہ مسکوہی صوبائی ایڈمنسٹریٹرڈ بلوچستان کنٹینیوایشن آف لاز برائے قبائلی علاقہ جات بل 2020ء نا ڈرافٹ نا ہم منظوری تس ہراٹی بلوچستان نا قبائلی علاقہ غاتیٹی لاگو مروک آ کانود ءِ اونا حالیت اٹ اسہ وڑ تخنگ نا فیصلہ کننگا۔