کوئٹہ، السی غاو تیا منی پٹرول پمپ آتا برخلاف کارروائی، 18 بندغ دزگیر

کوئٹہ:  ڈپٹی کمشنر کوئٹہ شہک بلوچ نا پارت و اُلسی غاو تیا ضلعی انتظامیہ منی پٹرول پمپس آتا برخلاف کارروائی کرسا تینٹ جوڑ کروک آ کبینی و رکھوک انتظام آتا خیال تخپننگ آ 18 بندغ آتے دزگیر کرسا جیل آ راہی کرے۔ دا بابت اٹ سب ڈویڑن سریاب انتظامیہ اسسٹنٹ کمشنر نثار احمد لاگو نا پارت آ اسپیشل مجسٹریٹ سریاب مسعود بگٹی نا کماشی ٹی ٹیم دے ٹکی و دے کی بائی پاس و ایلو علاقہ غاتیٹی کاروائی کرے۔ او وخت آ او پارینے کہ کس اسے ہم گرانفروشی نا موکل تفنہ و پٹرول پمپ آتون گنڈوک کاروباری آ بندغ آتے دا پاننگانے کہ او رکھوک گام گیج آتا جوان بست و بند کیر انتئے کہ داڑان بیدس اوفتے کاروبار کننگ نا موکل تفنہ۔ اگہ خدانخواستہ منی پمپ آتیا شکست اس پیش بس تو دا نہ بیرہ مالی نسخان نا سوب جوڑ مریک وخت اس کہ اوٹی جانی نسخان نا ہم خلیس ارے۔

(خ ن)