ملک انا زرگزرانی کاختی کل اکن گڑتی اسے‘ سینیٹر عبدالقادر
Get real time updates directly on you device, subscribe now.
کوئٹہ : چیئرمین قائمہ کمیٹی برائے پیٹرولیم و رسورسز و سیاسی و جہانی اقتصادی ویل آتیا نظر تخوک آ سیاستدان سینیٹر عبدالقادر پارینے کہ پاکستان دا وخت آ ہرا زرگزرانی کاختی نا گواچنی ءِ داڑان مست ہچ الو داڑان کنٹرول کننگ کن حکومت و اونا زرگزرانی ٹیم دوست ملک و جہانی مالیاتی ادارہ غاتا کمک اٹ ہر وڑ نا گام گیج کننگ اٹی ءِ ولے حالیت آک اونا کنٹرول اٹ بننگ اٹی افس و پیشن نا قرض آتا پوروی نا بابت اٹ ملک انا ڈیفالٹ مننگ نا خلیس ودنگ اٹی ءِ۔ تینا اسہ بیان اٹ سینیٹر عبدالقادر پارینے کہ ماہر آتا خیال اٹ پاکستان ءِ ڈیفالٹ آن بچفنگ کن اسہ پین آئی ایم ایف پروگرام اسے نا گرج ءِ، دا بابت اٹ پلان بی و پلان سی نا ہچ ءُ گنجائشت اس اف داٹی ہچ ءُ شک اس اف کہ آئی ایم ایف نا شڑت آک بھاز سخت ءُ ولے زرگزرانی جوانی آ کنٹرول کننگ کن اوڑا عملدرآمد آن بیدس ہچ ءُ چارہ کار اس اف۔
(آن لائن)