جھیڑہ ئی آ سیاست ءِ اُلس ہر وخت کن رد کرینے‘ صادق عمرانی

نصیرآباد: پاکستان پیپلزپارٹی نا مرکزی سینٹرل ایگزیکٹو کمیٹی نا باسک مسکوہی صوبائی صدر و مسکوہی صوبائی وزیر میر محمد صادق عمرانی پارینے کہ جھیڑہ ئی آ سیاست ءِ اُلس ہر وخت کن رد کرینے۔ پی ٹی آئی نا غنڈہ گردانہ سیاست ءِ اسل امنا کپنہ۔ ذوالفقار علی بھٹو ءِ پاہو تننگا و گودی بے نظیر بھٹو ءِ شہید کرے داڑان بیدس پاکستان پیپلزپارٹی پاکستان مخالف تحریک ءِ چلیفتون وخت اس کہ پاکستان کھپہ نا نعرہ ءِ خلسا جوان سیاست ءِ مونی دننگے۔ جناح ہاوس و آرمی نا دفتر و اُرا تیٹی جھیڑہ ئی کروک آ ملک دشمن بندغ آتے بٹنگ انگ آ عمل پیرا ءِ، اونا برخلاف آدمی ایکٹ نا رداٹ کارروائی کننگے۔ اُلس دہشتگرد آتے رد کرے۔ دا خیال آتا درشانی ءِ او عمرہ نا سعادت ءِ دوئی کننگ آ مبارک باد ہلنگ نا وخت آ اُلسی ڈل اتون ہیت وگپ کرسا کرے۔

(آن لائن)