اے این ایف نا مچ آ ملک اٹی منشیات نا برخلاف کارروائی تا چرجوئی برجا

0

Get real time updates directly on you device, subscribe now.

راولپنڈی : اینٹی نارکوٹکس فورس (اے این ایف) نا مچ آ ملک اٹی منشیات نا برخلاف کارروائی تا چرجوئی برجاءِ۔ سے شنبے نادے آ ترجمان اے این ایف پارے کہ اے این ایف بلوچستان اٹی چندی کارروائی تیٹی بھلو کچ اسے ٹی منشیات دوئی کرے۔ داکارروائی تیٹی پیشن یارو نا مر مر انگا مشی آ علاقہ غاتے ٹی کارروائی کرسا 136 کلو چرس دوئی کرے، تربت نا خڑک زیر تعمیر ہند اسے آن 200 کلو چرس دوئی کننگا۔ اے این ایف کراچی کورنگی نا خڑک اسہ بھلو کارروائی اس کرے ہراٹی شکبر گاڈی اسے آن 524 کلو گرام کیٹامائن دوئی کرے ہرادے گیس ڈرم آتیٹی اویم کرسا اسمگل کننگ نا کوشست کننگاکہ۔ اے این ایف باچہ خان انٹرنیشنل بالی پٹ پشاور آ شارجہ غا ہنوک آ دوبہ دار نا پڈآن 3 ہیرون آن پُر و 1 چرس آن پُر کیپسول اس دوئی کرسا بنوں نا ہنکینی دوبہ دار آتے دزگیر کرے۔ ملتان بالی پٹ آ فلائٹ نمبر PA 812 آن شارجہ غان ہنوک آ دوبہ دار نا پڈآن 91 ہیرون آن پُر کیپسول دوئی کرسا سرگودھا نا ہنکینی دوبہ داراسے دزگیرکرے۔ ترجمان اے این ایف پارے کہ دزگیر دوبہ دار نا برخلاف منشیات تور ایکٹ نا رداٹ مقدمہ نوشتہ کرینے۔

(اے پی پی)

Get real time updates directly on you device, subscribe now.

Leave A Reply

Your email address will not be published.