صوبائی وزیرداخلہ نا اسٹیوٹ روڈ واقعہ غا ارمان

کوئٹہ : صوبائی وزیرداخلہ میر ضیاء اللہ لانگو اسٹیوٹ روڈ آ ماڑی ناتمنگ آ ارمان کرینے‘ او محکمہ پی ڈی ایم اے نا کمامدار آتے واقعہ نا ہند آ سر مرسا کمکی سرجز آتے ٹی بشخ ہلنگ نا پرمان کرے۔ وزیرداخلہ ضلعی انتظامیہ ءِ پرمان کرے کہ ٹھپی تے درمان نا کل آسراتی تے فراوان کننگے و ضلعی انتظامیہ نا افسر آتے ہم واقعہ نا ہند آسر مننگ ناپرمان کرینے۔ وزیرداخلہ ٹھپی تا زوت دراخ جوڑی کن دعا کرینے۔ داکان بیدس وزیرداخلہ میر ضیاء اللہ لانگو کوٹ لانگو نا دورہ ءِ کرے۔ داوخت آ ڈی پی او قلات دوستین دشتی اودے بخیر کرے۔ وزیرداخلہ بیلہ واقعہ ٹی شہید انا اُراغا ہنا و اونا خاہوت تون ہڑزخواہی کرے و ایماندار نا درجہ غاتا بڑزی کن دعا ہم کرے۔ وزیرداخلہ مستی پارے کہ الس نا خذمت ءِ بلوچستان عوامی پارٹی و ای اولیت ایتوہ۔

(خ ن)