سوراب فیملی پارک انا بنا، الس نا بھلو کچ اس بشخ ہلک

سوراب اٹی الس ءِ جانجوڑ تفریح، گچین سرجز و ایمنی چاگڑد نا فراوانی کن ضلعی انتظامیہ سوراب نا کنڈ آن تفنگوک آ سوراب فیملی پارک انا باقاعدہ بنا اسہ شرفدار و شاندار ءُ دود اسے نا وخت آ کننگا۔ بنائی دود اٹی ضلعی انتظامیہ نا افسر، عسکری کمامدار‘ سیاسی و راجی شخصی، زالبول، چناک و شاریک بھلو کچ اسے ٹی بشخ ہلکر۔ سوراب فیملی پارک انا بناءِ ڈپٹی کمشنر سوراب صاحبزادہ نجیب اللہ، 61 ونگ نا کمانڈر کرنل سید فخر طلحہ رفیق، ایس پی سوراب خورشید بلوچ، ایڈیشنل ڈپٹی کمشنر سلمان علی و میجر عباس علی فیتہ ءِ کاٹ کرسا کریر۔ دا وخت آ شریدار آک پارک انا جوڑ مننگ ءِ سوراب ناباتی تیکن اسہ جوان و ستاکڑزوک گام اس گوندار۔ بنائی دود انا وخت آ فیملی پارک اٹی جتا جتا وڑ انا اسٹال ہم خلنگاسس، ہراڑے چنا و زالبول آتے کن چندی تفریحی و است چکوک سرجز آتا بست و بند کننگاسس۔ ڈپٹی کمشنر سوراب صاحبزادہ نجیب اللہ و کمانڈر 61 ونگ کرنل سید فخر طلحہ رفیق اسٹال آتا دورہ ءِ کریر۔ سوراب (سراج ریکی