ویمن انٹرپینورشپ ڈویلپمنٹ پروگرام نا رد اٹ 600 نیاڑی نا ہیلکاری پورو

کوئٹہ، نیاڑی تا زرگزرانی تواجہی و اوفتے شرفدار ءُ روزگار نا وارخواہی تا فراوانی نا کنڈ آ حکومتِ بلوچستان پین اسہ اہم ءُ گام اس ہرفسا ویمن انٹرپینورشپ ڈویلپمنٹ پروگرام نا رد اٹ مچ صوبہ غان 600 نیاڑی تا ہیلکاری ءِ پورو کرینے، وخت اس کہ ہیلکاری دوئی کروک 100 نیاڑیک عملی وڑ اٹ تینا کاروبارءِ بنا کرینو۔ محکمہ زالبول شونداری بلوچستان نا کماشی ٹی ویمن انٹرپینورشپ ڈویلپمنٹ پروگرام نا رد اٹ کاروباری کاریم تا بنا نیاڑی تا نیام اٹی کمکی چیک ہم بشخ وپانٹ کننگا۔ وزیراعلیٰ بلوچستان نا سلاہکار زالبول شونداری ڈاکٹر ربابہ خان بلیدی 100 نیاڑی ءِ کاروبار بنا کننگ کن ہر اسٹ ءِ تا 2 لکھ روپئی نا چیک تس، ہرا نا رد اٹ نیاڑی تے جم وڑ اٹ 2 کروڑ روپئی نا مالی کمک فراوان کننگا۔