بلوچستان گڈز ٹرک اونرز ایسوسی ایشن نا ہلہلہ ئی دیوان
Get real time updates directly on you device, subscribe now.
بلوچستان گڈز ٹرک اونرز ایسوسی ایشن نا ہلہلہ ئی دیوان تدوک آ دے اڈ ہلک ہرا نا کماشی بنجائی صدر نور محمد شاہوانی کرے۔ دیوان اٹی حاجی عبدالباقی کاکڑ، حاجی خدائیداد شاہوانی و ایلو بھلو کچ اسے ٹی گڈز کمپنی مالک و ٹرک ٹریلر مالک آک بشخ ہلکر۔ دیوان اٹی این 25 و این 70 شاہراہ تا بابت ہراکہ داسہ بے رکھی نا گواچی مسنو، ٹرانسپورٹر آک گڑتی درشانی ءِ کرسا کل ٹرانسپورٹر آتے پارت کریر کہ دا اِرا شاہراہ بھاز خطرناک ءُ‘ حکومت نا ٹرانسپورٹر آتتون روایہ جوان اف ہرانا سوب آن پوریاگر و ٹرانسپورٹر آتے نسخان رسینگ انگ ءِ۔ ہندا سوب آن کل ٹرانسپورٹر آک تفتان و کراچی روڈ آ ہن وبر اٹی احتیاط کیر و اگہ مننگ کرے تو سفر ہم کپس تانکہ حالیت آک جوان مریر انتئے کہ دا کسر تیا حکومت نا ہچ ءُ رٹ اس خننگپک۔