بنجائی حکومت کن مشکل وخت بسنے‘ ہچ سما اف ہراتم تمے، مولانا غفور حیدری
Get real time updates directly on you device, subscribe now.
اوتھل (آن لائن) جمعیت علماء اسلام پاکستان نا بنجائی جنرل سیکریٹری سینیٹر مولانا عبدالغفور حیدری پارینے کہ بنجائی حکومت کن مشکل وخت بسنے‘ ہچ سما اف ہراتم تمے، اپوزیشن تون دانہ غاک پورو مسنو بنجائی وصوبائی حکومت تمنگ کیرہ‘ بنجائی و صوبائی حکومت تہو اٹ سلوک ءُ‘ اگہ تہو مچٹ ترند مس تو حکومت آسانی اٹ تمک‘ سرداراخترجان مینگل حکومت آن جتا مرسا بھاز جوان ءُ فیصلہ اس کرینے‘ اسلام آباد اٹ مسیت ءِ شہید کرسا مندر جوڑ کننگ انگ ءِ‘ مگہ ہندادے ریاست مدینہ پارہ‘ عمران خان نا غٹ دعواک دروغ ءُ‘ زوت آل پارٹیز کانفرنس بٹنگسا آخبت نا لائحہ عمل ءِ پک کینہ‘ سی پیک آن شونداری مننگ کریکہ ولے ساڑی نابود حکمران آک سی پیک آکاریم ءِ توریر‘ ساڑی حکومت الس دشمن بجٹ پیش کرے‘ بجٹ ءِ ’فری ٹیکس‘ ناپن ترسا الس ءِ ریفنگ نا کوشست کننگا اگہ مستی ہم اپوزیشن جماعت آک سستی کریر تو الس اوفتے اسُل بشخپک‘ سردار اختر جان مینگل تون رابطہ ٹی ان زوت حکومت نا برخلاف دم دما مست قلندر کینہ۔ سردار اختر مینگل نا جتا مننگ آن حکومت کن مشکل ودی مسنے‘ کرکٹ نا گوازی گر اسے وزیراعظم جوڑ کرسا الس تون دُرو کننگا‘ 18می ترمیم اٹ پین بدلی کننگا تو جے یو آئی مزاحمت کیک۔ دا خیال آتا درشانی ءِ او صوبائی اسمبلی نا باسک مکھی شام لال لاسی نا مہمانی نا وخت آ ایس ایم سی فارم ہاؤس اٹ پریس کانفرنس کرسا کرے۔