بلوچستان: سول و کریمنل وڑ انا کیس آتے 19مئی اسکان پد بٹنگ نا پارت
Get real time updates directly on you device, subscribe now.
کوئٹہ (اے پی پی) بلوچستان ہائی کورٹ نا اسہ سرکلر اسے نا رداٹ کوروناوائرس نا ساڑی حالیت آتا رداٹ چیف جسٹس بلوچستان نا پرمان تارداٹ غٹ ڈسٹرکٹ جج آتے پارت کننگانے کہ سول و کریمنل وڑنا کیس آتے 06 مئی 2020ءآن 19مئی اسکان پد بٹنگے، وخت اس کہ بیرہ المی وڑنا درخواست و مقدمہ غاتا سماعت ءِ کننگے۔ غٹ ڈسٹرکٹ و سیشن جج آک بیرہ المی وڑنا درخواست آتا پیروی ءِ کننگ کن اسہ میکنزم اس جوڑ کیر ہرانا رداٹ کم آن کم آفیسر و عملہ ءِ روٹیشن نا بنداو آ حاضر کننگ مرے غٹ فیملی جج آتے ہم پارت کننگانے کہ او خاہوتی وڑنا مقدمہ و میٹنگ آف مائنرز ءِ 19 مئی 2020ءاسکان پد بٹر، ملتوی مروک آ مقدمہ غاتا بروک آ سماعت نا تاریخ ءِ وکیل و اوفتا کانودی چارہ جوئی ءِ ارسال کننگے۔ ہردرخواست گزار و پارٹی یا ایڈووکیٹ نا ساڑی مفننگ اٹ ایڈوریس آرڈر جاری کننگپ۔