قلات‘ککڑ بہا کروک آک سرکاری لڑنہاد آ سو بہا کننگ آ نمن ‘الس فریشان
Get real time updates directly on you device, subscribe now.
قلات (فیض نیچاری) قلات اٹ ککڑ نا سو ناپید مس‘ حوال نارد اٹ پرائس کنٹرول کمیٹی قلات ناکنڈآن ککڑ بہا کروک آک تدوک آ دے نہاد لڑ رسینگ آن پد ککڑ بہا کننگ ءِ بند کریر ہراناسوب آن شار اٹ ککڑ نا سو ناپید مس‘ ہرانا سوب آن روچہ مبارک اٹ الس ءِ مشکل آک مون تروک ءُ‘ پرائس کنٹرول کمیٹی نا کنڈآن قلات اٹ ککڑ سُو انا اسہ کلو نا 290 روپئی نہاد جاری کننگا ولے ککڑ بہا کروک آک جاری کروک نہاد آ نسخان نا گڑتی درشان کرسا پاریر کہ ککڑ ننے کبین رسینگک ‘دا نہاد آ ننے بھاز نسخان ءِ ‘ کم آن کم نہاد ءِ 330 روپئی کننگے۔ رابطہ کننگ آ چیئرمین پرائس کنٹرول کمیٹی و اسسٹنٹ کمشنر زاہد لانگو پارے کہ کوئٹہ ٹی ککڑ ناسو 260 فی کلو ءِ کس ءِ ودفنگ نا موکل تفنہ۔ السی تپّہ غاک روچہ مبارک اٹ جوان ءُ نہاد اس جاری کننگ و ککڑ بہا کروک آتتون مذاکرات کرسا الس ءِ ریلیف رسیفنگ نا خواست کرینو۔