ڈپٹی کمشنر قلات انجینئر عائشہ زہری نا “ارباب ٹرمینل” نا دورہ
Get real time updates directly on you device, subscribe now.
قلات، ڈپٹی کمشنر قلات انجینئر عائشہ زہری قلات نا علاقہ نیواڈہ ٹی جوڑ کروک “ارباب ٹرمینل” نا جم دورہ ءِ کرے۔ دورہ نا وخت آ ڈپٹی کمشنر ٹرمینل اٹی مسافر آتا اسانی کن فراوان کروک بنداوی و پوسکنوڑ آسراتی تا بابت جم بریفنگ ہلک۔ ڈپٹی کمشنر قلات میڈیا تون ہیت وگپ کرسا پارے کہ الس ءِ گچین سفری آسراتی تا فراوانی و مسافر آتے شرف اٹ‘ رکھوک و آرام دہ چاگڑد فراوان کننگ وخت انا اہم ءُ گرج اسے۔ ارباب ٹرمینل نا جوڑ کننگ و اوٹی نرینہ و زالبول تیکن جتا جتا ویٹنگ روم تا مننگ اسہ ستا کڑزوک و الس دوست گام گیج اسے۔ دا وڑ انا آسودہی نا ڈٹ آک علاقہ نا شونداری و مسافر آتے مون تروک مشکل آتے ٹی کمتی اتنگ اٹی اہم کڑد ادا کیرہ۔ ضلعی انتظامیہ السی فائدہ نا دا وڑ انا کل مثبت گام گیج آتا پبی کاٹم خواجہی ءِ کیک۔