سویلی بلوچستان پیکیج ءِ سیاسی رنگ تننگپ، میر عبدالقدوس بزنجو

کل ناراض بلوچ آتتون ہیت و گپ مننگ ءِ، پنی آبلوچ شخصیت آتتون رابطہ کرینن، وزیر اعلیٰ بلوچستان

0

Get real time updates directly on you device, subscribe now.

کوئٹہ (آن لائن)وزیراعلیٰ بلوچستان میر عبدالقدوس بزنجو پارینے کہ بلوچستان نا مخلوق محب وطن ءِ، فیڈریشن نا مخ تفی ءِ کیرہ، نن بلوچستان ءِ پاکستان نا اسہ سوگو ءُ پلر اس جوڑ کینہ۔سویلی بلوچستان پیکیج ءِ سیاسی رنگ تننگپ، بلوچستان نا ویل آک زیات ءُ وسیلہ کم تننگک تے، ننا صوبہ آبادی نا ر داٹ کم ءِ، رقبہ نا رد اٹ پاکستان نا نیمہ اُن۔ آبادی کن رسینگوک فنڈ آک نیمہ پاکستان نا شونداری کن گنج اس افس۔کل ناراض بلوچ آتتون ہیت و گپ مننگ ءِ، پنی آبلوچ شخصیت آتتون رابطہ کرینن، پت اٹ ہلسا مذاکرات کننگ اُن۔ دا ہیت آتا درشانی ءِ او وزیراعلیٰ سیکرٹریٹ اٹی بنجائی وزیر اسد عمر تون اوار پریس کانفرنس کرسا کرے۔ داوخت آ وزیراعلیٰ بلوچستان میر عبدالقدوس بزنجو پارے کہ اومیت کینہ کہ بنجائی وزیر اسد عمر تون اوار ایلو بنجائی وزیر آک ہم بلوچستان نا دورہ ءِ کیرہ۔ اوپارے کہ منت واراُن کہ بنجابلوچستان اٹی شونداری نا کاریم تتون تفنگ ءِ، مہالو پاریسن کہ اگہ بنجا تفپک تو نن ہچ ءُ کننگ کپنہ۔ وزیراعلیٰ میر عبدالقدوس بزنجو پارے کہ سویلی بلوچستان پیکیج بھاز جوان ءُ گام اسے، بنجانا کنڈآن سویلی پیکیج وڑانا پین پیکیج ہم بلوچستان ءِ درکار ءِ اومیت کینہ کہ آخبت ہم وزیراعظم بلوچستان نا گچینی کن تفک۔ وزیراعلیٰ بلوچستان ناپاننگ ئس کہ بلوچستان نا مخلوق پاکستان تون مہرومریبت کیک، ایلو صوبہ غاتیان زیات بلوچستان نا الس پاکستان تون مہرومریبت کیک، اوپارے کہ بنجانا کمک آن بیدس بلوچستان شون ہلنگ کپک، وزیراعظم عمران خان تون بلوچستان نا مخلوق خاص مہرومریبت کیک بلوچستان نا ڈویژنل ہیڈکوارٹرزاٹی وزیراعظم عمران خان کن السی مچی اس اڈتننگک۔ ہرنائی زمی جمب اٹی ریلیف کاریم تا بابت کمکاری آ بنجائی حکومت نا منت واراُن۔

Get real time updates directly on you device, subscribe now.

Leave A Reply

Your email address will not be published.