پاکستان سخت گام گیج آتا کمک اٹ زرگزرانی بحالی نا خواری تیان جپانے،وزیراعظم شہباز شریف

اسلام آباد، وزیراعظم محمد شہباز شریف مریس مدی زرگزرانی بدلی کن حکومت نا عزم انا درشانی ءِ کرسا پارینے کہ انتظامی اڑاند آتے چٹفنگ کن خصوصی ٹاسک فورس آتا کمک اٹ گچین گام گیج کننگ انگ ءِ، پاکستان سخت مالیاتی، ساختی و انتظامی اصلاحات نا کمک اٹ مشکل زرگزرانی بحالی نا ریسہ غان سرسہبی اٹ جپانے۔ دا جوانی اتنگ آتیٹی ملکی زرگزران اٹی سوگوی بسنے، زرکار آتا پت بحال مس وخت اس کہ فچ، موڈیز و ایس اینڈ پی تون اوار جہانی کریڈٹ ریٹنگ ایجنسیک پاکستان کن سوگو زرگزرانی منظرنامہ نا درجہ بندی ءِ کرینو۔ جمعہ نا دے آوزیراعظم آفس نا میڈیا ونگ آن جاری بیان نا رداٹ ایشین ڈویلپمنٹ بینک (اے ڈی بی) نا سویلی، نیامی و دیکی ایشیا نا نائب صدر ینگ منگ یانگ وزیراعظم شہباز شریف تون اوڑدہی کرے۔ وزیراعظم ینگ منگ یانگ نا اعزاز اٹ سوارہ تننگا۔ اوڑدہی ٹی پاکستان و ایشیائی شونداری بینک انا نیام اٹ کیہی دہائی تیا تالان شونداری شریداری نا جاچ ءِ ہلنگا و پوسکن کنٹری پارٹنرشپ سٹریٹیجی (سی پی ایس) 2026-2030 نا رداٹ اولیتی بشخ آتیٹی گام گیج آتیا سجفنگا۔ وزیراعظم ینگ منگ یانگ نا دا حیثیت اٹ پاکستان نا اولیکو سرکاری دورہ غاستاءِ ءِ کرسا پاکستان اٹ شاری بنداوی پنجر، ٹرانسپورٹ و السی خذمت آتا اہم ڈٹ آتا پوروی ٹی اے ڈی بی نا پدریسہ کسبی کارکڑد و وخت آ کمکاری نا ستاءِ کرے۔ وزیراعظم پارے کہ پاکستان سخت مالیاتی، ساختی و انتظامی اصلاحات نا کمک اٹ مشکل زرگزرانی بحالی نا ریسہ غان سرسہبی اٹ جپانے۔ دا اصلاحات آتیٹی ملکی زرگزران اٹ سوگوی بسنے، زرکار آتا پت بحال مس، وخت اس کہ فچ، موڈیز و ایس اینڈ پی تون اوار جہانی کریڈٹ ریٹنگ ایجنسیک پاکستان کن سوگوزرگزرانی منظرنامہ نا درجہ بندی ءِ کرینو۔ او پارے کہ مریس مدی زرگزرانی بدلی کن حکومت نا پبی عزم انا درشانی ءِ کرسا وزیراعظم پارے کہ انتظامی اڑاندآتے چٹفنگ کن خصوصی ٹاسک فورس آتاکمک اٹ گچین گام گیج کننگ انگ ءِ۔ اوڑدہی ٹی کراچی آن پشاور اسکان مین لائن-1 (ایم ایل-1) ریلوائی کوریڈور ءِ پوسکن آ وڑتیا اپ گریڈیشن آ خصوصی چکار کننگا ہرا قومی بنداوی پنجر نا اسہ اہم اولیت اسے۔ وزیراعظم شہباز شریف پارے کہ ایم ایل-1 نا اپ گریڈیشن مال برداری نا نظام ءِ پوسکن جوڑ کننگ، علاقائی واپاری رابطہ غاتے سوگو کننگ و بھلاصنعتی ڈٹ آتے مونی دننگ کن بھاز اہم ءِ۔ اوڑدہی ٹی ایم ایل-1 ڈٹ آ زوت عملی کاریم نا بناءِ کننگ نا گرج آ ہم زور شاغنگا تانکہ بنداوی پنجرنا شونداری و ملک اٹ رابطہ غاتا نظام ءِ پوسکن جوڑ کننگ نا عمل ءِ ترند کننگ مرے۔ چندی بشخ آتیٹی کمکاری ءِ ودفنگ نا بابت اوڑدہی ٹی پرائیویٹ بشخ و ایس ایم ایز نا کمک، توانائی و غذائی رکھ، برآمد آتا گوبر لائخی ٹی ودکی، اے آئی و انفارمیشن ٹیکنالوجی نا بشخ آتیٹی اسیجائی کمکاری نا گمان تا جاچ ءِ ہلنگا۔ اوڑدہی نا اخیر اٹ دا عزم انا درشانی ءِ کننگا کہ کنٹری پارٹنرشپ اسٹریٹیجی 2026-2030 نا اولیت آتے پبی و گچین گام گیج آتیٹی بدل کننگک ہراکہ مدامگی زرگزرانی شونداری ءِ مونی دننگ تون اوار اوارپاکستان نا الس نا زند انا آب اٹ نمان گچینی اتنگ اٹ کمکارمریک۔