ڈی سی نا چیئرمین میونسپل کمیٹی گوادر نا برخلاف ایف آئی آر نا خواست

گوادر: ڈپٹی کمشنر گوادر نا میونسپل کمیٹی گوادر نا چیئرمین نا برخلاف ایف آئی آر درج کننگ نا خواست، صوبائی الیکشن کمیشن ءِ کارائی کن مراسلہ نوشتہ کننگا۔ تحصیل چیئرمین غیر کانودی آ کاریم تیٹی اختہ مننگ اٹی ءِ۔ مالو ہم دانا برخلاف کیہی دوبہ غاتا مقدمہ غاک درج مسنو۔ شریف میاں داد دھرنا و برانز اٹ امن و ایمنی ءِ نسخان ایترہ و ضلع چئیرمین نا خراب کننگ کیرہ۔ حوال نا رداٹ ڈپٹی کمشنر گوادر ڈی پی او پولیس گوادر و صوبائی الیکشن کمیشن نا پن آ اسہ سرکاری لیٹر اسے نا کمک اٹ گوادر میونسپل کمیٹی نا چئیرمین نا برخلاف کارائی کننگ نا خواست کرینے۔ لیٹر اٹ پارینے کہ میونسپل کمیٹی گوادر نا چیئرمین گوادر شریف میاں داد نا کاریمک غیرتسلی بخش ءُ۔ وخت اس کہ دانا برخلاف کانودی کارروائی کننگے۔ مراسلہ ٹی پاننگانے کہ میونسپل کمیٹی گوادر نا چیئرمین شریف میاں داد 6 جولائی ءِ ڈپٹی کمشنر گوادر آفس نا مون آ دھرنا نا پڑو ءِ کرینے۔