بلوچستان نا پرامن علاقہ غاتیٹی بے ایمنی مننگ ءُ، مولانا ہاشمی

کوئٹہ: امیر جماعت اسلامی بلوچستا ن مولانا عبدالحق ہاشمی پارینے کہ جند انا مفاد، فائدہ و مراعات و تنخواہ تیٹی ودکی کن بھلو سودی قرضہ ہلنگ انگ ءِ۔ ژوب، چمن، خضدار تون اوار ایلو علاقہ غاتیٹی حالیت آتے خراب کننگ انگ ءِ۔ سویڈن اٹ قرآن پاک نا بے حرمتی نا واقعہ غاتے توننگ کن مسلم حکمران آتے بہادری اٹ سخت گام گیج ہرفوئی تمک۔ حکومت نا آئی ایم ایف تون معاہدہ ٹی کبینی نا سونامی و مکمل غلامی آن بیدس ہچ اس ہم اف۔ حکومت آئی ایم ایف تون معاہدہ نا کل تفصیل آتے قوم انا مون آ اتیر انتئے کہ تدوک آ کیہی وخت آتیان کل حکمرانک قرضہ غاتا زرگزران آن بیدس ہچ ءُ پروگرام اس پیش کننگ کتو۔ دا پیشن نا قرض آتیان عیاشی کیرہ۔ بلوچستان نا کودک آ ورنا و واپار تے کانودی وڑاٹ واپاری نا وارخواہی دوئی اف۔

(آن لائن)