او جی ڈی سی ایل نا کنڈ آن جھل مگسی گیس ڈٹ آتا دورہ کاریم نا بنا
Get real time updates directly on you device, subscribe now.
کراچی: آئل اینڈ گیس ڈیولپمنٹ کمپنی لمیٹڈ ملک اٹ توانائی نا ودوک آ گرج آتے پورو کننگ نا رد اٹ جھل مگسی گیس ڈٹ آ کاریم نا دوارہ بناءِ کرینے‘ پوسکن آ گیس پراسسنگ پلانٹ ہرا ہڑدے پیداوار 13.7 ایم ایم ایس سی ایف گیس ودی کننگ کیک‘ نا دوارہ کاریم نا بنا مننگ آن پاکستان اٹ ودوک آ توانائی نا گرج آتے اسہ ہَد اسسکان پورو کننگ اٹ کمک رسینگک‘ دا پلانٹ نا خلنگ آئل اینڈ گیس ڈویلپمنٹ کمپنی نا دا علاقہ ٹی پین تیل و گیس پٹنگ و پیداوار نا عزم انا درشانی ءِ کیک۔ کمرشل آپریشن تون اوار کمپنی تعلیم، جانجوڑی‘ دیر و انفرا اسٹرکچر نا بشخ آتے ٹی راجی آسودہی نا کاریم تا کمک اٹ جھل مگسی ٹی ہندی آبادی نا زند انا آب ءِ گچین کننگ نا عزم کرے‘ جانجوڑی نا آسراتی تے ودفنگ نا کوشست آتا وڑ اٹ او جی ڈی سی ایل جھل مگسی ٹی ڈسٹرکٹ ہیڈ کوارٹر ہسپتال ءِ ایمبولنس فراوان کرینے۔داڑتون اوار او جی ڈی سی ایل کنوئی آ سفا انگا دیر انا اہمیت ءِ مون آ تخسا ریورس اوسموسس (آر او) پلانٹ ہم خلکنے‘ کمپنی ملک اٹ توانائی نا گرج آتے پورو کننگ و کمیونٹی نا گچینی نا گام گیج آتیکن تینا عزم اتون اوار جھل مگسی نا راجی و زرگزرانی شونداری کن فعال کڑد ادا کننگ اٹی ءِ‘ کمپنی نا بھلا سوچ ہرا توانائی نا فراوانی نا رکھ کننگ و علاقہ نا باتی تا زندی آب ءِ گچین کننگ کن وقف ءِ‘ پاکستان نا انرجی سیکیورٹی سوگو شونداری دوئی کننگ اٹ مزل نا نشان اسے۔
(آن لائن)