بلوچستان اٹ آسراتی تا فراوانی چیلنج اسے، گورنر بلوچستان

کوئٹہ : گورنر بلوچستان ملک عبدالولی کاکڑ تون پاکستان اٹی تعینات اقوام متحدہ نا کنٹری نمائندہ پاپولیشن پروگرام ڈاکٹر لوئے شبانے اوڑدہی کرے۔ گورنر بلوچستان پارے کہ بلوچستان نا آبادی کم ولے تالان ءِ ہرانا سوب آن بنداوی آسراتی تا فراوانی ءِ پک کننگ اسہ چیلنج اسے۔ اوپارے کہ دا گڑتی نا سوب ءِ کہ دا ترند رفتار سائنسی دور اٹ ہم بلوچستان اٹی چنا خنوک لمہ غاتا مرک انا کچ غٹ آن زیات ءِ۔ اوپارے کہ نیزگار الس ءِ متوازن و غذائیت آن پُر خور انا فراوانی ءِ پک کننگ ا ٹ غٹ آن بھلا اڑاند نیزگاری ءِ ہندا سوب آن المی ءِ کہ غٹ سرکاری و جہانی ادارہ مرمر انگا ضلع غاتا نیزگار الس آ چکار تخر۔ گورنر بلوچستان پارے کہ ودوک آ آبادی نا اثرآتا بابت السی مہم اس چلیفنگ اٹ بلدیاتی نمائندہ، عالم دین و میڈیا پرسن تے تینتون اوار کیر، غٹ ضلع غاتیٹی جان جوڑی، تعلیم و پوسکن آ مہارت ہیل تننگ نا بابت جہانی ادارہ غاتا دمدستی مالی کمک و پوسکن آ مشینری نا فراوانی کمکار مننگ کیک۔

(اے پی پی)