چیئرمین سینیٹ نا بلوچستان اٹ چادر و چاردیوالی نا تقدس نا لتاڑ نا نوٹس

0

Get real time updates directly on you device, subscribe now.

اسلام آباد: چیئرمین سینیٹ بلوچستان اٹ ایف سی کارندہ غاتا کنڈآن چادر و چار دیوالی نا تقدس نا لتاڑ کننگ نا باندات نا رپورٹ ءِ بٹنگانے‘ سے شنبے نادے سینیٹ نا دیوان نا وخت آ سینیٹر نسیمہ احسان اعتراضی ٹک آ بلوچستان نا علاقہ شاہ نورانی ٹی ایف سی نا کارندہ ناکنڈآن چادر و چار دیوالی نا تقدس نا لتاڑ کننگ نا باندات نا مذمت ءِ کرسا پارے کہ نیاڑی وچناتیا بیدادی تے سگپنہ‘ او پارے کہ دا وڑ انا واقعہ غاتیان ننا فورس آتا شرف کم مریک۔ او پارے کہ داکا مست ہندا وڑ انا واقعہ اس سندھ اٹ مس و ہمو واقعہ نا زموار افسر آتا کورٹ مارشل مسوسس‘ او پارے کہ نن اسمبلی نا فلور آ دا وڑ انا واقعہ غاتیا توار چست کینہ۔ او پارے کہ چیئرمین سینٹ نا بلوچستان آن مننگ آن پد ہم کراچی ٹی ننا نیاڑی وچناتیا بیداد کننگک و رولنگ آن پد داسکان دانا رپورٹ متنے‘ ہندا وڑ تربت اٹ غریب الس نا غار تیا پاکستان نیوی کوزہ کرینے ہرانا نشاندہی کننگا داڑا ہم ہچ عملدرآمد متنے‘ او خواست کرے کہ وزیرداخلہ دا اہم انگا واقعہ نا وضاحت ءِ سینیٹ فلور آ کے۔

Get real time updates directly on you device, subscribe now.

Leave A Reply

Your email address will not be published.