بلال خان کاکڑ تون ایکسپورٹ امپورٹ بینک آف پاکستان نا صدر نا اوڑدہی

کوئٹہ، بلوچستان زرکاری بورڈ انا وائس چیئرمین بلال خان کاکڑ تون ایکسپورٹ امپورٹ بینک آف پاکستان نا صدر و سی ای او شہباز ایچ سید اوڑدہی کرے، ہراٹی بلوچستان نا کاروباری تپہ غاتے مون تروک مالی مشکل، خاص وڑ اٹ وام تا دوئی کننگ اٹی اڑاند و کاروباری سرجز آتا شون تننگ آ جم گپ وتران کننگا۔ دا وخت آ بی بی او آئی ٹی نا چیف ایگزیکٹو آفیسر عبدالمنان و ٹریڈ ڈویلپمنٹ اتھارٹی آف پاکستان نا شہریار خان ہم ساڑی ئس۔ اوڑدہی ٹی بلال خان کاکڑ پارے کہ بلوچستان نا پوریاگر‘ صنعت کار، ایکسپورٹر و امپورٹر آتے تینا کاروبار نا شون تننگ کن مالی کمک و وام تا دوئی کننگ اٹی مشکل مون تروئی تمنگ اٹی ءِ۔ او زور شاغا کہ ایکزم بینک دا رد اٹ تینا گچین کڑد ءِ ادا کے۔