یونیورسٹی آف لورالائی ٹی ترکیہ نا تیکا (TIKA) نا کمک اٹ پوسکنوڑ زیتون نا تیل کشنگ نا یونٹ خلنگا
Get real time updates directly on you device, subscribe now.
لورالائی، یونیورسٹی آف لورالائی ٹی ترکیہ نا کمکاری و رابطہ ایجنسی TIKA (Turkish Cooperation and Coordination Agency) نا کنڈ آن فراوان کروک پوسکنوڑ زیتون نا تیل کشنگ نا یونٹ (Olive Oil Extraction Unit) ءِ سرسہب وڑاٹ خلنگا‘ پوسکنوڑ مشینری نا فراوانی و خلنگ یونیورسٹی ٹی پٹ وپول‘ تدریسی سرجز، عملی ہیلکاری‘ پوسکنوڑی‘ زیتون نا کشت و کشار و اونا گڑاتے ٹی ویلیو ایڈیشن نا بابت اسہ اہم ءُ پیشرفت اس گوندنگ انگ ءِ‘ یونیورسٹی آف لورالائی نا کنڈ آن TIKA نا دا نہاد کمکاری آ است انا ہُب اٹ منتواری ادا کننگانے‘ یونیورسٹی انتظامیہ پارے کہ TIKA نا کنڈ آن فراوان کروک دا پوسکنوڑ آسراتی طالب علم‘ استاد، محقق و تعلقدار بشخ آتتون تعلقدار بندغ آتیکن پٹ وپول و عملی ہیلکاری نا پوسکن آ وارخواہی تے ودی کیک،وخت اس کہ کشت وکشار‘ زیتون نا کشت و کشار و اونا گڑاتا ویلیو ایڈیشن نا بشخ اٹی ہم عملی لائخی ءِ شون رسینگک۔