صوبائی وزیر نا برخلاف بلوچستان اسمبلی ٹی مذمتی قرارداد پیش
Get real time updates directly on you device, subscribe now.
کوئٹہ، بلوچستان اسمبلی نا دیوان اٹی صوبائی وزیر میر صادق عمرانی نا برخلاف اسیجائی مذمتی قرارداد پیش کننگا، ہراٹی 31 اگست نا اسمبلی دیوان ناوخت آ اونا تران اٹ کاریم اٹ اتوک لوز آتا سخت مذمت ءِ کرسا اوفتے اسمبلی نا ریکارڈ و کارروائی آن چٹفنگ نا خواست کننگا۔ دا اسیجائی قرارداد ءِ صوبائی وزیر میر علی مدد جتک ایوان اٹی پیش کرے، وخت اس کہ صوبائی وزیر میر ضیاء اللہ لانگو، نور محمد دمڑ و بخت محمد کاکڑ تون اوار اسمبلی نا باسک برکت رند، اسفندیار کاکڑ، ہادیہ نواز و فرح عظیم شاہ ہم دا مذمتی قرارداد نا پیش کروک آتے ٹی اوار ئسر۔ قرارداد پیش کرسا میر علی مدد جتک پارے کہ صوبائی وزیر صادق عمرانی نا لوز آتا سوب آن صوبہ نا شرفمند الس نا است آزاری مسنے۔ ہندا سوب آن 31 اگست نا دیوان اٹی اونا کروک تران نا مذمت ءِ کننگا و جھیڑہ ئی لوز آتے اسمبلی نا کارروائی آن دمدستی کشنگے۔