آیت اللہ خامنہ نا گڈیکو دود آک،وزیراعظم، فیلڈ مارشل و ایلو پاکستانی ڈَل انا امام خمینی مصلیٰ نا دورہ

وزیراعظم شہباز شریف و فیلڈ مارشل عاصم منیر وفد تون اوار گرینڈ امام خمینی مصلیٰ غا ہِنار، ہراڑے او آیت اللہ خامنہ ای ءِ خراجِ عقیدت پیش کریر و اونا درجات آتا بڑزخی کن دعا کریر۔ وزیراعظم تون اوار نائب وزیراعظم و وزیر خارجہ اسحاق ڈار، بنجائی وزیر داخلہ محسن نقوی، اسپیکر قومی اسمبلی ایاز صادق، بنجائی وزیر اطلاعات عطا اللہ تارڑ، چیئرمین پیپلز پارٹی بلاول بھٹو زرداری، وزیراعلیٰ سندھ مراد علی شاہ و نیئر حسین بخاری ہم ساڑی ئسر،داکان مست وزیراعظم محمد شہباز شریف بڑزکو کہول ڈل اتون اوار اسہ دے ئی دورہ ایران آ سرمس۔ وزیراعظم آفس نا میڈیا ونگ انا کنڈآن جاری بیان نا رداٹ مہرآباد بالی پٹ آ ایران نا وزیرداخلہ سکندر مومنی تہران اٹی پاکستان نا سفیر عمران احمد صدیقی و پاکستان و ایران نا بڑزکو سفارتی کمامدار آک وزیراعظم ءِ بخیرکریر۔ وزیراعظم شہباز شریف تہران اٹی ایران نا شہید سپریم لیڈر آیت اللہ سید علی خامنہ ای نا آخیریکو رسم آتیٹی بشخ ہلیک۔ وزیراعظم پاکستانی الس و حکومت نا کنڈآن ایرانی سرکڑدہ و پدسلوک خاہوت آتون ہڑزخواہی نا درشانی ءِ کیک و غم انا داساہت اٹی ایلم ایرانی قوم اتون پاکستان نا پورو یکجہتی نا درشانی ءِ کیک۔ اسپیکر قومی اسمبلی سردار ایاز صادق، نائب وزیراعظم و وزیرخارجہ سینیٹر محمد اسحاق ڈار، چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر، بنجائی وزیر حوالکاری و شینکاری عطاء اللہ تارڑ، چیئرمین پاکستان پیپلزپارٹی بلاول بھٹوز رداری، سیکرٹری جنرل سید نیئرحسین بخاری، وزیراعلیٰ سندھ سید مراد علی شاہ و پارلیمان نا باسک آک وزیراعظم تون اوار آخیریکو رسم آتیٹی بشخ ہلیرہ۔