جاپان تون زرکاری و ایلو بشخ آتیٹی کمکاری ءِ ودفنگ خوانہ، بلاول
پاکستان و جاپان بھاز متکن ءُ سنگت ءُ، پاکستانی الس جاپان کن مہر و مریبت نا بھلو جوزہ اس تخک، وزیر خارجہ
Get real time updates directly on you device, subscribe now.
ٹوکیو: وزیر خارجہ بلاول بھٹو زرداری پارینے کہ جاپان تون زرکاری‘ تجارت، سیل سوات و چندی بشخ آتے ٹی کمکاری ءِ ودفنگ خوانہ‘ نجی بشخ آک تین پہ تینی تعلقداری تے ٹی اہم کڑدار ادا کننگ کیرہ‘ جاپان تون تعلقداری تے ودفنگ خوانہ‘ ٹوکیو ٹی جاپانی ہم منصب یوشیماسا حیاشی تون اوڑدہی آن پد اسیجا پریس کانفرنس نا وخت آ بلاول بھٹو زرداری پارے کہ جاپان نا دورہ ٹی مہمانداری آ تینا ہم منصب یوشیماسا حیاشی نا است انا ہُب اٹ منتوار اٹ‘ دا کنا جاپان و زیبا غا شار ٹوکیو نا اولیکو دورہ ءِ‘ او پارے کہ پاکستان و جاپان متکن ءُ سنگت ءُ‘ پاکستانی الس جاپان و جاپانی الس کن استخواہی و مہر انا جوزہ تخک‘ نن گرج انا وخت آ اسٹ ایلو تون سلوک مسونن۔ وزیرخارجہ بلاول بھٹو زرداری ٹوکیو ٹی جاپانی وزیراعظم فومیو کیشیڈاتون اوڑدہی کرے۔ دوشنبے نادے آ دفترخارجہ نا رداٹ وزیر خارجہ نا سرکاری دورہ نا وخت آ مروک آ دا اوڑدہی ٹی اوجاپانی وزیراعظم کن پاکستان نا حکومت و الس نا کنڈآن نیک است خواہی نا درشانی ءِ کرے۔ ہڑتوم آ راہشونک اوڑدہی ٹی چندی بشخ آتیٹی رابطہ و کمکاری ءِ پین ودفنگ نا است خواہی نا درشانی ءِ کرے۔ داکان مست وزیرخارجہ بلاول بھٹو زرداری تینا جاپانی ہم منصب یوشیما ساحیاشی تون گپ وتران کرے و اسیجائی پریس کانفرنس آن تران کرے۔ بلاول بھٹو زرداری یکم جولائی آن 4 جولائی اسکان جاپان نا 4 دے ئی سرکاری دورہ ءِ کننگ اٹی ءِ۔
(آن لائن/اے پی پی)