بھارتی ٹیم نا کوچنگ نا وارخواہی رسینگا تو ضرور امنا کیوہ تے‘محمد اظہرالدین
Get real time updates directly on you device, subscribe now.
نئی دہلی (مانیٹرنگ ڈیسک) بھارتی کرکٹ ٹیم نا مسکوہی کیپٹن و حیدرآباد کرکٹ ایسوسی ایشن نا ساڑی صدر محمد اظہرالدین پارینے کہ اگہ اودے قومی ٹیم نا کوچنگ کننگ نا وارخواہی رسینگا تو اودے جَٹ اسے ٹی امنا کیوہ۔ محمد اظہرالدین منانے کہ ای تینا قومی ٹیم انا کوچنگ کن تیار اُٹ۔ محمد اظہرالدین تینا اسہ بیان اسے ٹی پارینے کہ اگہ کنے ہندوستانی ٹیم تون کاریم کننگ نا وارخواہی رسینگا تو ای اودے المی امنا کیوہ۔ محمد اظہرالدین مستی پارینے کہ اودے اومیت ءِ کہ انڈین پریمیر لیگ (آئی پی ایل) ہرا کورونا وائرس ہلوک آ دَین انا سوب آن کینسل مسوسُس اینخو سال انا گڈسراٹ اڈ ہلیک۔ او پارینے کہ اگہ ٹی 20 ورلڈ کپ آسٹریلیا ٹی مننگ کتو تو اودے بھارت کرکٹ اینڈ کنڑول بورڈ (بی سی سی آئی) اکتوبر اٹ کرفنگ کن کاریم کننگ اٹی ءِ۔ او پارینے کہ کنے اومیت ءِ کہ آئی پی ایل لیگ حالیت آتا جوان مننگ آن پد مریک۔ زیات آخا کم از کم ہفت میچ انا مہمانداری ءِ تو کینہ۔