اُلس ءِ ریلیف فراوان کننگ کن ایرانی پیٹرول ءِ اونا نہاد آ بہا کننگے‘ اسد اللہ سمالانی

ڈیر ہ مراد جمالی : اسسٹنٹ کمشنر ڈیرہ مراد جمالی اسداللہ سمالانی نا کماشی ٹی ایرانی پیٹرول نا نہاد آتا بابت اسہ دیوان اس اڈ ہلک۔ دیوان اٹ ڈی ایس پی گلاب خان شیخ تون اوار جتا جتا منی پیٹرول پمپ آتا مالک آک بشخ ہلکر۔ دیوان آن تران کرسا اسسٹنٹ کمشنر اسداللہ سمالانی پارینے کہ اُلس ءِ ریلیف فراوان کننگ کن ایرانی پیٹرول آتے نہاد آ بہا کننگے۔ خلاف ورزی کروک آتا برخلاف سخت کارروائی تون اوار اوار اوفتے آ بھلو بھلو ڈنڈ خلنگک۔ یا منی پیٹرول پمپ سیل کننگک۔ دا بابت اٹ ڈپٹی کمشنر نصیرآباد عائشہ زہری نا پارت تننگانے کہ ایرانی پیٹرول آتے اڑزان اُلس ءِ فراوانی ءِ پک کننگے۔ نہاد آتے اسہ وڑ تخنگ کن جاچ ہم ہلنگک۔ نہاد آتا برخلافی ءِ ہچ ءُ حالیت اسے ٹی سگپنہ۔ ننا کوشست ءِ کہ اُلس ءِ ریلیف فراوان کننگے۔ خلاف ورزی نا گواچنی آ بندغ آک ہچ ءُ رعایت اسے نا حقدار افس۔

(خ ن)