مسجد نبوی نا یانزدہ درگہ ملار
Get real time updates directly on you device, subscribe now.
مدینہ منورہ : سعودی عرب نا مقدس شار مدینہ منورہ ٹی مسجد نبوی نا یانزدہ درگہ نمازی تیکن ملار۔ سعودی خبر رساں ادارہ نا رداٹ مسجد نبوی نا انتظامیہ پارینے کہ زائر آک رکھی بست و بند آتا پابندی ءِ کننگ ءُ دانا سوب آن نمازی تا جانجوڑی و سلامتی نا باندات آک جوان ءُ دروشم اسے ٹی مون آ ہِننگ ُ۔ مسجد نبوی ءِ کوروناوائرس نا سوب آن دادے تیٹی ہڑدے خفتن نا نماز آن پد بند کننگاکہ و سہب انا نماز آن اسہ گھنٹہ اس مست ملنگ نا بناءِ کننگانے۔ فرض نمازآتے جماعت اٹ بیرہ صحن و پوسکن آ ودکی بشخ آتے ٹی خواننگ انگ ءِ، متکن آ بشخ داسکان بند ءِ وخت اس کہ تحفیظ قرآن نا کلاس و علمی لیکچر ہم بند ءِ۔ انتظامیہ 7 درگہ نرینہ و چاردرگہ زالبول آتے کن جتا کرینے۔ غٹ درگہ غاتیا تھرمل کیمرہ خلوک ءِ۔ نمازی گنجائشت آن چِل درسد حداسکان ہی پڑک آتا دروشم اٹ تہہ ٹی گدریفنگ انگ ءِ۔ مسجد نا قالین ءِ ہم ہرفنگانے۔ یات سلے کہ مسجد نبوی ٹی چناتا پترینگ انگ و صحن تیٹی افطار دسترخوان خلنگ نا ممانعت ءِ و آب زم زم نا کولر آتے ہم اسہ کنڈ کننگانے۔
(اے پی پی)