ایران نا اسہ وار ولدا ایٹمی پروگرام ءِ دوارہ بنا کننگ نا دھڑکو
Get real time updates directly on you device, subscribe now.
تہران (آن لائن) ایران دھڑکو تسنے کہ اگہ اقوام متحدہ نا سلہہ نا رکھ آ پین ودکی کرے تو سلامتی کونسل نا منظوری آن 2015 اٹ کروک معاہدہ ءِ چٹفس ایٹمی پروگرام ءِ دوارہ بنا کیک‘ راجی رابطہ نا ویب سائٹ ٹوئٹر آ تینا بیان اٹ ایران نا سپریم نیشنل سیکورٹی کونسل (ایس این ایس سی) نا سیکرٹری علی شمخانی ایران اٹ بھلو وخت اسے آن خلوک سلہہ نا رکھ انا بابت امریکہ نا زوت انا کوشست آتیا خبردار کرینے‘ علی شمخانی اقوام متحدہ نارکھ انا چٹفنگ آن منہ دے مست تینا موقف آن معلومدار کرے۔ اوپارے کہ ایران آ غیر کانودی سلہہ تا ٹک انا رد اٹ خلوک رکھ آتے ٹی ودکی کننگا تو جوہری معاہدہ مدامی کن چٹک۔