خضدار نا تعلیمی ادارہ غاتے بند کننگ نا حکومتی منفی سوچ و پالیسی نا مذمت ءِ کینہ‘میرعبدالخالق بلوچ
Get real time updates directly on you device, subscribe now.
کوئٹہ (آن لائن) نیشنل پارٹی نا صوبائی صدر میر عبدالخالق بلوچ خضدار نا تعلیمی ادارہ غاتے بند کننگ نا حکومتی منفی سوچ و پالیسی نا مذمت ءِ کرسا پارینے کہ راج و قوم تا شونداری وشونہالی نا دارو مدار آب اٹنگا تعلیم و جوان انگا نصاب اٹی ءِ۔ بلوچستان حکمران آتا تعصبی آ پالیسی وامن وایمنی نا خراب حالیت آتا سوب آن تعلیم تون اوار ایلو بشخ آتے ٹی پسماندگی ناگواچی مسنے۔ نیشنل پارٹی تینا چنکا دور حکومت اٹ تعلیم ءِ اولیت ترسا تعلیمی بجٹ ءِ ودفنگ تون اوار یونیورسٹی و میڈیکل کالج جوڑ کرفے۔ او پارے کہ اینو دنیا بڑزکو تعلیم نا سوب آن زرگزرانی و راجی شونداری ناکنڈآ گام کننگ اٹی ءِ و بڑزکو تعلیم بیرہ آب اٹنگا تعلیمی ادارہ غاتیان دوئی کننگ مریک۔ پامدار آریاست آک تینا لائخی تے بڑزکو تعلیمی ادارہ جوڑ کننگ کن کاریم اٹ اتیرہ ولے بلوچستان اٹ دنیا غان چَپ بڑزکو تعلیمی ادارہ غاتے بند کننگ نا سازش مننگ اٹی ءِ۔ او پارے کہ سرادر بہادر خان وومن یونیورسٹی خضدار کیمپس و ووکیشنل ایجوکیشنل وومن کالج خضدار ءِ بند کننگ ناپالیسی تعلیم دشمنی اسے۔