کالعدم ٹی ٹی پی تون مذاکرات آک مونی ہننگ کپسہ، شیخ رشید

اسلام آباد : بنجائی وزیر داخلہ شیخ رشید قائمہ کمیٹی داخلہ نا دیوان اٹی پارینے کہ کالعدم ٹی ٹی پی تون مذاکرات آک مونی ہننگ کپسہ۔ سینیٹ نا قائمہ کمیٹی نا دیوان سینیٹر محسن عزیز نا کماشی ٹی مس۔ دا وخت آ وزیر داخلہ پارے کہکالعدم ٹی ٹی پی تون مذاکرات مننگ کپک۔ داسہ ننا ڈَل اس ہیت و گپ اکن ہنانے، حوال آک اریر کہ مذاکرات آک سرسہب مننگ کپسہ۔ او پارے کہ سیکورٹی فورس آک نوشکے و پنجگور اٹی بھلو بھسکاری اسے نا ڈٹ ڈَول ءِ بے سہب کریر۔