نوشکے پنجگور جلہو 15 دہشتگرد خلنگار، افسر اسے تون اوار 13سیکورٹی کارندہ شہید ، میر ضیاء لانگو

کوئٹہ: سلاہکار داخلہ بلوچستان میرضیاء لانگو پارینے کہ پنجگور و نوشکے ٹی دہشت گرد آتا ایف سی کیمپس آ جلہو آتیٹی سیکورٹی کارندہ غاتون اوار 13بندغ شہیدوخت اس کہ ورندی کارروائی ٹی 15دہشت گرد خلنگانو، وخت اس کہ پنجگور اٹی نروک آ دہشت گرد آتا برخلاف داسکان آپریشن برجاءِ۔ داہیت ءِ او پنچ شنبے نادے آ کوئٹہ پریس کلب اٹی پریس کانفرنس کرساپارے ، میرضیاء لانگو پارے کہ تدوک آ نن دہشت گرد آک پنجگور ونوشکے ٹی سیکورٹی فورس آتا کیمپس آ جلہو کریر نوشکے ٹی آفیسر آتتون اوار 5ورنا و اسہ سویلین اس شہید وخت اس کہ 12ٹھپی مسنو وخت اس کہ 9دہشت گرد خلنگانو ہنداوڑ پنجگور اٹی 7ورنا شہید وخت اس کہ 11ٹھپی مسنو۔ فورس آک 6 دہشت گرد کسفینو۔ وخت اس کہ پنجگور اٹی 4 آن 5 دہشت گرد آتا بازار نا کنڈآ نرنگ نا حوال آک ءُ، گڑا علاقہ ءِ گھیڑ کرسا آپریشن کننگ انگ ءِ۔ اوپارے کہ پنجگور و نوشکے ٹی ہیلی کاپٹر نا تمنگ نا ہوکاتیٹی ہچ ءُ راستکی اس اف ، دہشت گرد آتے کاٹم خواجہی دوئی ءِ اوفتا رابطہ غاتا بابت جاست وپاست برجاءِ وخت اس کہ کوئٹہ ٹی بڑزکو کہولی سیکورٹی دیوان اس ہم بٹنگ انگانے۔ اوپارے کہ ننا ورناک جون تے ندر کرسا ملک انا رکھ ءِ کننگ ءُ ولے ہرافک ملک انا وسیلہ غاتے کاریم اٹ اتیرہ و داڑے رہینگرہ منہ بندغ اس ہندن ءُ ہرافک داخہ بھلا حادثہ غاہم است ہسونی نا درشانی ءِ کپننگ ءُ دا اوفتا اخلاقی فرض مریک کہ او واقعہ نا مذمت ءِ کیر۔ اوپارے کہ ہراتم اسکان دہشت گرد آتے اوفتا کروک نا سزا تننگپک پنجگور نا شاری تے رکھ انا رد اٹ پیش تمنگ آن توننگانے۔اسہ سوج اسے نا ورندی ٹی اوپارے کہ دہشت گردی نا بابت ہندا تُو بھاز انگا تھریٹ آک ئسر، بلوچستان اٹی داعش، پن انا قوم پرست، ٹی ٹی پی تون اوار ایلو کالعدم تنظیمک اواری اٹ کاریم کننگ ءُ داسکان واقعہ نا زمواری ءِ کس اسے امنا کتنے و او پیدوار متنے۔ اوپارے کہ بلوچستان نا ایران تون بھلو بارڈر اسے مخلوق ہموکان ہم بریک کاہک انت کہ ویل اس مریک نن بارڈر مینجمنٹ کمیٹی نا کمک اٹ دا باندات ءِ چست کینہ۔ اوپارے کہ بلوچستان اٹی یک و نیم اِرا دہائی آن دہشت گردی چلینگ انگ ءِ ہراڑان نئے مزورکار اس و نئے محب وطن اس رکھوک ءِ۔سیکورٹی فورس آک دا جنگ اٹی امن کن جان تے ندر کننگ ءُ۔

(اے پی پی)