مولانا فضل الرحمان نا مدینہ منورہ غا حوثی تا جلہو نا مذمت

اسلام آباد، جے یو آئی پاکستان نا سروک مولانا فضل الرحمان مدینہ منورہ غا حوثی تا جلہو نا سخت انگا لوز آتے ٹی مذمت ءِ کرسا پارینے کہ دا حوال آن است بھاز مونجا و ٹھپی ءِ۔ مولانا فضل الرحمان میڈیا سیل جے یو آئی پاکستان نا کنڈآن جاری بیان اٹی پارے کہ امن و سلامتی نا کل آن بھلا علمبردار سرورِ کائنات صلی اللہ علیہ وسلم نا شار آ جلہو نا جیرت سفاکیت نا گڈیکو سیم ءِ‘ مدینہ منورہ غا جلہو اسہ شار اسے آ آخا بلکہ عالمِ اسلام نا است و عقیدہ غا جلہو اسے۔ او پارے کہ مسلمان حکمران و امتِ مسلمہ ءِ مصلحت آتے اسہ کنڈ آ تخسا اسیجا مرسا جلہو کروک آتے مون تروئی تمک۔ مملکت سعودیہ نا الس، خادم الحرمین شاہ سلمان و ولی عہد محمد بن سلمان ءِ باوری کرفے کہ دا جلہو بیرہ نما شار و ملک آ آخا بلکہ مچ آ امت مسلمہ غا جلہوءِ۔