محمد آصف زندہ ءِ‘ بھارتی فوج سما اف ہرا بے گناہ ءِ شہید کرے؟ بنجائی حوالکاری وزیر
Get real time updates directly on you device, subscribe now.
اسلام آباد، بنجائی حوالکاری وشینکاری وزیر ڈی جی آئی ایس پی آر نا پریس کانفرنس نا حوالہ اٹ راجی رابطہ نا ویب سائٹ آ اہم ءُ بیان اس جاری کرسا بھارتی فوج انا دعوی تیا سوج چست کرینے‘ بنجائی وزیرِ حوالکاری پارے کہ ڈی جی آئی ایس پی آر نا پریس کانفرنس بھارتی فوج انا پاننگوک جعلی مقابلہ نا پت ءِ پاش کرینے۔ محمد آصف نا زندہ و سلامت مننگ نا پک مننگ آن پد بھارتی فوج انا دعویٰ غا بھلو سوج ودی مسنو۔ او سوج ہرفے کہ اگہ محمد آصف زندہ ءِ تو بھارتی فوج ہرا بے گناہ کشمیری ءِ شہید کرے و اودے محمد آصف نا وڑ اٹ انتئے پیش کننگا؟ بنجائی حوالکاری وزیر پارے کہ اسہ بیوس ءُ کشمیری اسے نا میت ءِ محمد آصف جوڑ کرسا پیش کننگ بھارت کن بھاز شکی گری ناسوب ءِ۔