اوغانستان‘ سیکیورٹی فورس آتا فضائی جلہو‘ 15 طالبان تپاخت

کابل (آن لائن) اوغانستان اٹ سیکیورٹی فورس آتا فضائی جلہو و بمب دھماکہ ٹی پانزدہ طالبان تون اوار 16 بندغ تپاخت کریر وخت اس کہ کہیک ٹھپی مسر، درملکی خبر رساں ادارہ نا رداٹ اوغان فورس آتا کنڈآن جاری مروک آ بیان اٹ پاننگانے کہ صوبہ غزنی نا علاقہ اشکوال و نیوگائی ٹی طالب آک سیکیورٹی چوکی تیا اِرا جتا جتا جلہو کریر ہرافتیٹی سیکیورٹی فورس آک او علاقہ غاتیٹی فضائی آپریشن کریر ہرانا نتیجہ ٹی پانزدہ طالبان تپاخت کریر وخت اس کہ کہیک تا ٹھپی مسر، حوال نا رداٹ صوبہ بلخ نا دارالحکومت مزار شریف اٹ اسہ سیکیورٹی چوکی سے نا ماس آ بمب دھماکہ اس مس ہراٹی اسہ عام ءُ شار اس تپاخت کرے وخت اس کہ پنچ پولیس کارندہ غاتون اوار 9 بندغ ٹھپی مسر۔ ٹھپی تے زوت اس ہسپتال اٹ داخل کننگا۔