بروک آ بنجائی شونداری بجٹ نا کچ ءِ 700 ارب روپئی تخنگ نا سلاہ
Get real time updates directly on you device, subscribe now.
اسلام آباد : بروک آ مالی سال اکن بنجائی شونداری بجٹ نا کچ ءِ 700 ارب روپئی تخنگ نا سلاہ تننگانے۔ پبلک پرائیویٹ پارٹنر شپ نا رد اٹ 200 ارب نا ڈٹ اوار کننگک‘ م وڑ اٹ بنجائی شونداری بجٹ نا 900 ارب اسکان ہننگ ناگمان ارے‘ حوالی نا رد اٹ پوسکن آ بجٹ اٹ انفراسٹرکچر نا ڈٹ آتیکن 359 ارب آن زیات تخنگ نا سلاہ ار۔ ٹرانسپورٹ سیکٹر کن 156.4 ارب، توانائی کن 80.3 ارب روپئی جتا کننگک۔ وزارت آئی وسیلہ نا ڈٹ آتیکن 90 ارب روپئی نا شونداری بجٹ مریک۔ ہاؤسنگ کن 32 ارب، جانجوڑی‘ تعلیم، پارلیمنٹ نا باسک آتا اسکیم آتیکن 179 ارب نا بجٹ جتا کننگ نا سلاہ تننگانے۔ وزارت ڈٹ بندی نا دستاویز آتا رد اٹ ایچ ای سی نا ڈٹ آتیکن 44 ارب نا شونداری بجٹ مریک۔ریلوائی کن 32 ارب روپئی نا شونداری بجٹ جتاکننگ نا سلاہ تننگانے۔ آزاد کشمیر، گلگت بلتستان کن 54.4 ارب روپئی نا شونداری بجٹ ناسلاہ ارے‘ مسکوہی فاٹا و اوار کروک ضلع غاتیکن 55 ارب روپئی نا شونداری بجٹ جتا کننگک وخت اس کہ سائنس، آئی ٹی کن 25.6 ارب روپئی‘ کن وخور و کشت وکشار کن 9.2ارب روپئی نا شونداری بجٹ جتا کننگ نا گمان ارے۔
(آن لائن)