مریم نواز نا برخلاف توہین عدالت نا کارروائی نا سماعت 5 اپریل اسکان ملتوی
Get real time updates directly on you device, subscribe now.
لاہور: لاہور ہائی کورٹ مسلم لیگ ن نا چیف آرگنائزر و نائب صدر مریم نواز نا برخلاف توہین عدالت نا کارروائی کن انٹراکورٹ اپیل اٹ درخواست نا قابل سماعت مننگ نا بابت پین دلیل بٹنگا۔ عدالت ریمارکس تس کہ پاننگے کہ درخواست مسترد کننگ نا برخلاف توہین عدالت اٹی اپیل امر قابل سماعت ءِ۔ عدالت سماعت ءِ پنچ اپریل اسکان پد بٹسا درخواست گزار وکیل ءِ بروک آ سماعت آ دلیل پیش کننگ نا پارت کرے۔ لاہور ہائی کورٹ نا جسٹس علی باقر نجفی نا کماشی ٹی اِرا باسکی بنچ سماعت کرے۔ درخواست گزار رانا شاہد ایڈووکیٹ عدالت ءِ پارے کہ درخواست آ دلیل کن وخت تننگے، ہراڑا عدالت اپیل نا سماعت ءِ 5 اپریل اسکان پدبٹے۔
(اے پی پی)